Cəlilabadın Alar kəndi ərazisində yol qəzası baş verib. "Qazel" markalı yük maşını ilə sərnişin avtobusu toqquşub. Masallı rayonunun Əhmədli kənd sakini, 37 yaşlı Mehman Qafarov ağır yaralanıb. O, Cəlilabad Rayon Mərkəzi Xəstəxanasına aparılarkən yolda dünyasını dəyişib. Qəzada yaralanan digər 3 nəfər isə Biləsuvar Rayon Mərkəzi Xəstəxanasına yerləşdirilib. Paytaxtın Nizami rayonunda yüksək sürət yol qəzasına səbəb olub. “Koroğlu” metrosu yaxınlığında yolun təmir gedən hissəsində hərəkətdə olan BMW markalı avtomobilin sürücüsü idarəetməni itirib. Nəticə avtomobil yol ayrıcındakı işıq dirəyinə çırpılıb və daha sonra qarşı yola çıxıb. Faktlarla əlaqədar araşdırma aparılır.