Şəkidə 11 yaşlı uşağı sahibsiz it dişləyib.Qoxmuq kənd sakini Əsgər Məmmədov it dişləməsi xəsarəti ilə Şəki Mərkəzi Rayon Xəstəxanasına daxil olub. Müayinə zamanı məlum olub ki, uşağa yaşadığı kəndin ərazisində sahibsiz it hücum edərək sol ayağının baldır nahiyəsindən dişləyib. Əsgər Məmmədova lazımi tibbi yardım göstərilib, quduzluq əleyhinə peyvənd vurulduqdan sonra ambulator müalicə almaq şərti ilə evə buraxılıb.