Yuxarı Qarabağ kanalının Mingəçevirin Energetiklər qəsəbəsi ərazisindən keçən hissəsində bədbəxt olay yaşanıb. Kəlbəcər rayonundan olan məcburi köçkün, Mingəçevir şəhərində yaşayan 14 yaşlı Nicat Qafarzadə həmyaşıdları ilə birlikdə kanalda çimərkən batıb. FHN dalğıcları meyiti yeniyetmənin batdığı ehtimal edilən yerdən 800 m aralıda taparaq sudan çıxarıblar və aidiyyəti üzrə təhvil veriblər.