Italdesign şirkəti Cenevrə avtosalonunda Zerouno superkarının üstü açıq versiyasını göstərib. Duerta adını alan bu maşın çıxarıla bilən dam, həmçinin hava pisləşəndə istifadə oluna bilən parça dam əldə edib. Yenilik kupe Zerounodan kuzovunun arxa və üst hissələrinə görə seçilir. Bununla yanaşı, şassidə müəmmalı dəyişiklər edilib. İkiqapılı avtomobil Audi R8-in platformasında yığılıb. Italdesign Zerouno Duerta 5.2 V10 mühərriki ilə hərəkət gəlir. 610 at güclü motor 7 pilləli robotlaşdırılmış transmissiya ilə işləyir. Tam ötürücülü superkarın maksimal sürəti 320 km/saatdır. Zerouno Duerta-dan ilin sonuna kimi 5 ədəd istehsal olunacağı gözlənilir. Amma qiymət bəlli deyil.