Goranboy rayon sakini bacısını qətlə yetirib.Hadisə İrəvanlı kəndi ərazisində baş verib. Belə ki, yerli sakinlər kəndin ərazisində basdırılmış qadın meyiti aşkar ediblər və dərhal polisə məlumat verilib.Hüquq-mühafizə orqanlarının əməkdaşları əraziyə cəlb ediliblər. Hazırda meyitin basdırıldığı yerdən çıxarılması işləri aparılır.İlkin məlumata görə, qadını bir müddət əvvəl qardaşı qətlə yetirərək basdırıb. Rəşxəndə Hüseynovanın qardaşları Aydın Hüseynov və Aqil Hüseynov şübhəli şəxs qismində saxlanılıb.