Hazırda Naftalanda üçü 5 ulduzlu olmaqla 10 sanatoriya fəaliyyət göstərir. 2017-ci ildə bura dünyanın 62 ölkəsindən 7 mindən çox tursit gəlib. İl ərzində isə şəhər ümumilikdə 36 minə yaxın tusit qəbul edib. Hədəf bu sayı SSRİ dövründə olduğu kimi 70 minə çatdırmaqdır. Bu məqsədlə Naftalanda “Azərbaycanın müalicə-turizm imkanları” mövzusunda konfrans keçirilib. Mədəniyyət və Turizm, Səhiyyə, İqtisadiyyat nazirliklərinin dəstəyi ilə baş tutan konfransda Rusiya Həmkarlar İttifaqının üzvləri, habelə müxtəlif turizm şirkətlərinin rəhbər və menecerləri iştirak ediblər.