Şəmkir rayonunda Novruz bayramı ilə əlaqədər aztəminatlı və imkansız ailələrə bayram sovqatı paylanıllıb. Ümumilikdə 1000 ailəyə sovqat təqdim edilib. Səhhəti ilə əlaqədər olaraq tədbirdə iştirak etməyən şəxslərin bayram payları yaşadıqları ünvana çatdırlıb. Xeyriyyə aksiyası tək rayon mərkəzi deyil, bütün kənd və qəsəbələri əhatə edib.

Novruz bayramı münasibəti ilə Samux rayonunda yaşayan Qarabağ əlillərinə, şəhid və imkansız ailələridə diqqətdən kənarda qalmayıb. Bayarm münaisbəti ilə bu qəbildən olan ailələrlə görüş keçirilib. Rayonda yaşayan az təminatlı ailələrə, qaçqınlara, ərazidə məskunlaşan məcburi köçkün ailələrinə, kimsəsizlərə, tənhalara ən əsası da yardıma daha çox ehtiyacı olan 500-ə yaxın ailəyə bayram payları təqdim edilib.

Göygöldə də aztəminatlı ailələrə bayram sovqatı verilib. Heydər Əliyev Fondunun təşəbbüsü ilə ərzaq yardımından ibarət bayram payından rayonun 684 ailəsi yararlanıb. Bayram azuqəsi Dövlət Sosial Müdafiə Fondunun Göygöl rayon şöbəsinin əməkdaşları tərəfindən ünvanlara növbəlilik əsasında çatdırılıb.

Şəmkir rayonunun faəl gəncləri isə ön cəbhədə keçik çəkən əsgərlərə bayram sovqatı aparıb. Ölkədə ordu quruculuğu sahəsində əldə olunan uğurlardan danışılıb, Novruz tonqallarının tezliklə işğaldan azad edilən torpaqlarda qalanacağına əminlik ifadə olunub. Rəsmi hissədən sonra bayram azuqəsi ilə dolu maşın karvanı ön cəbhəyə yola salınıb.

Natiq Hüseyn