Şirvan Şəhər Polis Şöbəsinin əməkdaşları əməliyyat tədbiri həyata keçiriblər. Narkotik vasitələrin qanunsuz dövriyyəsi ilə məşğul olmaqda şübhəli bilinən, əvvəllər eyni əmələ görə məhkum olunmuş və yenicə azadlığa çıxan Sumqayıt sakini, 30 yaşlı Elvin Cəfərov polis saxlanılaraq şöbəyə aparılıb. Hal şahidlərinin iştirakı ilə onun üzərinə baxış zaman 1 ədəd sellofan bükümdə, ümumi çəkisi 30,176 qram heroin aşkar edilərək götürülüb. Faktla bağlı Şirvan Polis Şöbəsinin İstintaq bölməsində Cinayət Məcəlləsinin müvafiq maddələri ilə cinayət işi başlanıb, istintaq gedir.