Dövlət Sərhəd Xidmətinin Horadiz sərhəd dəstəsinin Füzuli rayonu Kərimbəyli kəndində yerləşən sərhəd zasta­vasının xidməti sahəsində İran istiqamətində naməlum şəxslərin ayaq izləri aşkar olunub. Dərhal həyata keçirilmiş əməliyyat-qoşun tədbirləri nəticəsində 5 nəfər sərhəd pozucusu saxlanılıb. Onlardan 4 qa­dının Özbəkistan vətəndaşı və 1 nəfərin onlara bələdçilik edən Azərbaycan vətəndaşı olduğu müəyyən edilib. Bundan əlavə, Göytəpə sərhəd dəstəsinin Yardımlının Deman kəndi ərazisində yerləşən sərhəd zastavasının xidməti sahəsində Azərbaycandan İran isti­qamətində dövlət sərhədini pozmağa cəhd edərkən bir Özbəkistan və bir Qırğızıstan vətəndaşı qadın saxla­nılıb.

Sərhədçilərimizin uğurlu əməliyyatı bununla yekunlaşmır. DSX Sahil Mühafizəsinin xidməti ərazisində Lənkəranın Balıqçılar qəsəbəsi istiqamə­tində qaçaqmal yolu ilə ölkə ərazisindən dəniz vasitəsilə çıxarıl­ması üçün hazırlanan, sahildən 150 metr məsafədə su sət­hin­də və kolluqlarda alkoqollu içkilər aşkar edilib. Əksəriyyəti 1 litrlik şüşə qablarda olan 39 qutuda 470 ədəd alko­qollu içki müsadirə olunub. Faktlar üzrə Cina­yət Məcəlləsinin müvafiq maddələri ilə cinayət işləri başlanıb, zəruri əməliyyat-istintaq tədbirləri davam etdirilir.