Gələn il Gəncədə 2 yeni uşaq baxçası tikiləcək, 2-i  isə yenidən əsaslı təmir olunaraq balacaların ixtiyarına veriləcək. Ümumilikdə isə son iki ildə şəhərdə 10 uşaq baxçası əsaslı təmir yenidənqurmadan sonra istifadəyə verilib ki, bu gün onların sırasına daha biri əlavə olunub. Yeni Gəncə qəsəbəsindəki 44 nömrəli körpələr evi uşaq baxçası qapılarını balacaların üzünə açıb. 24 ildir fəaliyyət göstərən və indiyə kimi əsaslı təmir olunmayan uşaq baxçası iki mərtəbəli 240 yerlikdir. Burada 12 qrupda, Azərbaycan və rus bölmələrində uşaqların təlim-tərbiyyəsi ilə 14 tərbiyəçi və texniki işçi məşğul olur. Təhsil müəsisəsində uşaqlara məşğələlərin keçirilməsi üçün bütün otaqlar lazımı invetarlarla təchiz edilib. Yaradılan şəraitlə tanış olan qonaqlara balacalar öz yaradıcılıq məharətlərini göstərib, milli və xarici mahnılara rəqslər ediblər.

Əfsanə Atayeva valideyn:Baxçanın əvvəlki vəziyyəti valideynlərin hər birinin yadındadır. İndiki vəziyyətlə əvvəlki vəziyyət arasında dağlar qıdır inkişaf var. Mən bu işdə əməyi olan hər bir kəsə minnətdarlığımı bildirirəm.

Vüsalə Abdullayeva valideyn:Mən bir sakin, valideyn kimi sevinirəm ki, Yeni Gəncə qəsəbəsində belə bir möhtəşəm hər bir şəraiti olan baxça əsaslı təmir olunub, istifadəyə verilib.

Elnarə Əliyeva uşaq baxçasının tərbiyəçisi: Bu gün biz tərbiyəçilər də çalışmalıyıq ki, gözəl, səviyyəli, müasir standartlara cavab verən baxçalarda fidan balalarımıza daha gözəl yaxşı təlim tərbiyyə verək.