“British Council”un Azərbaycan üzrə direktoru Elizabet Vayt  ADAU-da olub, təhsil müəssisəinin müəllim və tələbə heyəti ilə görüşüb. Görüşdə təşkilatla ADAU arasında olan əməkdaşlıq əlaqələrindən söz açılıb, bu əməkdaşlığın daha da genişləndirilməsinin yolları müzakirə olunub. Universitetdə ingilis dilinin tədrisi və bu dildə olan qrupların mövcudluğu xüsusi diqqət çəkib. Söhbət zamanı ingilis dilinin daha mükəmməl öyrədilməsi üçün ADAU-da təlim mərkəzinin yaradılması qərara alınıb.