Bu günə xəbərlərin oxunma sayı: 1482
— 14.11.2017 13:24

Bu gün dünya çempionatı 2018-in Avropa zonası üzrə sonuncu iştirakçısının adına aydınlıq gələcək

Günün yeganə pley-off cavab qarşılaşmasında İrlandiya evdə Danimarkanı qəbul edəcək. Bu komandalar arasında ilk görüşdə 0:0 hesablı heç-heçə qeydə alındığından tərəflərin mərhələ adlamaq şansı bərabər qiymətləndirilir. Ancaq irlandlar doğma meydan və publika amilindən maksimum istifadə edərək sərfəli nəticəylə mundiala vəsiqə əldə etmək niyyətindədi. Amma vikinklər də Rusiyaya getmək üçün var gücünü ortaya qoyacaq. Səfərdə danimarkalıların 1 top vurması qonaqların mərhələ şansını artıracaq. Belə olan halda İrlandiya 2 dəfə rəqib qapısına yol tapmalıdı ki dünya çempionatına yollana bilsin. Adalılar bu günədək 3 dəfə dünya çempionatına qatılıb. Danimarka isə rəqibindən 1 dəfə çox mundialda iştirak edib.

 

DÇ-2018, pley-off oyunları

Avropa zonası, cavab qarşılaşması

14 noyabr

 

23:45. İrlandiya – Danimarka

İlk oyun – 0:0

 

Orxan Cəfərzadə