Ukraynanın Xarkov şəhərində keçirilən kişi boksçular arasında Avropa çempionatında yarımfinalçıların adları müəyyənləşib.

Qitə yarışın 1/4 final mərhələsində Azərbaycan yığmasının 5 üzvü rinqə çıxıb ki, onlardan yalnız biri qalib gələrək mərhələ adlayıb. 75 kq çəki dərəcəsində Kamran Şahsuvarlı Rio-2016-nın bürünc medalçısı Silvio Şyerleylə qarşılaşıb. Döyüş 4:1 hesabı ilə dəri əlcək ustamızın xeyrinə başa çatıb. O, yarımfinala yüksəlməklə, ən azı bürünc medalı özünə təmin edib.

Şahsuvarlı iyunun 23-də baş tutacaq yarımfinal görüşündə macar idmançı ilə üz-üzə gələcək.

Bu mərhələdə vuruşan digər bokçularımız Lorenzo Sotomayor, Pərviz Bağırov, Abdulqadir Abdullayev və Məhəmmədrəsul Məcidov rəqiblərinə məğlub olaraq yarışı erkən başa vurublar.

Orxan Cəfərzadə