Bu günə xəbərlərin oxunma sayı: 1294
— 19.06.2017 13:42

Avtomobil yük maşınına çırpıldı, 4 nəfər xəsarət aldı

KepezTV Player

Zaqatalada baş verən yol qəzasında biri 6 aylıq körpə olmaqla 4 nəfər xəsərət alıb. Hadisə bu gün səhər saatlarında Yevlax- Zaqatala- Gürcüstan sərhəd magistral yolunun Əliabad qəsəbəsindən keçən hissəsində qeydə alınıb. Əliabad qəsəbə sakini 68 yaşlı Adil Vəliyev idarə etdiyi “Mersedes” markalı 62 BL 237 dövlət nömrə nişanlı minik avtomobili ilə Zaqatala şəhəri istiqamətində hərəkətdə olarkən ötmə əməliyyatını düzgün yerinə yetirməyib. Nəticədə avtomobili eyni istiqamətdə hərəkət edən “Kamaz” markalı 99 XB 193 dövlət nömrə nişanlı yük maşınının arxasına vurub. Qəzadan sonra sürücü Adil Vəliyev və avtomobildə olan digər sərnişinlər, qəsəbə sakinləri 36 yaşlı Gülpəri Balayeva, 64 yaşlı Ramazan Balayev və 2016-cı ilin dekabr ayında anadan olmuş 6 aylıq körpə Əfsər Vəliyev aldıqları müxtəlif dərəcəli xəsarətlərlə Zaqatala Rayon Mərkəzi Xəstəxanasına aparılıblar. Faktla bağlı DİN-nin Dövlət Yol Polisi İdarəsinin Baş istintaq və təhqiqat bölməsində araşdırma aparılır.

Zülfiyyə Telmanqızı