HP şirkəti yeni Omen geymer noutbukunu nümayiş elətdirib. Qurğunu ya 15,6, ya da 17,3 düymlük, müvafiq olaraq Full HD 1920х1080 piksel və ya 4K 3840х2160 pikselli ekranla almaq olar. Noutbukun G-Sync və FreeSync texnologiyasını dəstəkləyən versiyaları da var. Modelin əsasını 7-ci nəsil Intel Kaby Lake prosessoru təşkil edir. Kiçik ölçülü ekrana malik cihaz 16 Qb-dək, irisi isə 32 Qb-dək operativ yaddaşla təmin olunur. 15,6 düymlük model NVIDIA GeForce GTX 960 və ya AMD RX500, 17 düymlük isə NVIDIA GeForce GTX 1070 və ya AMD RX500 adlı sürətləndirici ilə işləyir. Hər iki noutbuk işıqlı klaviatura, üç USB Type-A portu, bir USB Type-C,

HDMI dəlikləri, mini Display və Ethernet, həmçinin kardriderə yiyələnib. HP-nin yeni oyun noutbukunu almaq istəyənlər kiçiyinə 1000 dollar, böyüyünə isə 1100 dollar ödəniş etməlidirlər.

Cavanşir Məmmədzadə