Şəmkirdə yerləşən N saylı hərbi hissədə “Heydər Əliyev ideyalarına sadiqik” şüarı altında 7 günlük  silsilə tədbirlərə start verilib. Müdafiə Nazirliyinin təşəbbüsü ilə təşkil olunan tədbir ulu öndərin anadan olmasının 94-cü ildönümünə həsr olunub. Açılış mərasimində çıxış edənlər ümummilli liderin Azərbaycan ordusunun möhkəmlənməsi istiqamətində gördüyü işlərdən danışıb. Çıxışlarda qarşıdakı 7 gün ərzində hərbi hissədə keçiriləcək tədbirlər barədə məlumat verilib. Gələcək nəslin vətənpərvər ruhda böyüməsi baxımından layihənin əhəmiyyəti yüksək qiymətləndirilib.

Natiq Hüseyn