Turun açılış matçında "Atletik" Bilbao "Las Palmas"ı qəbul edib. Primeroda Avropa Liqasına vəsiqə qazanmaq uğrunda mübarizə aparan ev sahibləri ötən turdakı məğlubiyyətin əvəzini artıqlaması ilə çıxıblar. Yeri gəlmişkən 31-ci turda böyük hesabla rəqibini məğlub edən "Las Palmas"ın özü bu dəfə eyni aqibəti yaşayıb. Oyun bilbaoluların 5:1 hesablı qələbəsi ilə başa çatıb. İlk dəqiqələrdən üstünlüyü ələ alan və erkən qollarla rəqibini şoka salan “Atletiko” xallarının sayını 53-ə çatdıraraq turnir cədvəlində 6-cı pilləyə yüksəlib.

XXXII tur

14 aprel

"Atletik" - "Las Palmas" - 5:1

Qollar: San Xose, 7; Muniayn, 9, 58; Aduriz, 18, 59 - Biqas, 12

Azad Rəfi