AFFA tərəfindən hər il  futbolçuların, məşqçilərin və inzibati işçilərin qeydiyyat qaydaları ilə bağlı regionlarda görüşlər keçirilir. Görüşlərin məqsədi qarşıdakı mövsüm üçün qeydiyyat sisteminin yeni tərtib olunmuş əsasnaməsi haqda məlumatlar verməkdir. Növbəti belə treninq Gəncədə keçirilib. Seminarda Gəncə, Şəmkir, Göygöl, Tovuz, Ağstafa və Qazaxdan olan məşqçilər iştirak edib. Görüşdə 2016/17-ci il mövsümündən “Futbola Qoşul” onlayn qeydiyyat proqramının tətbiq olunduğu qeyd olunub. Gələn mövsümdən bu proqramın klublar tərəfindən həyata keçirilməsinin nəzərdə tutulduğu bildirilib. Bu səbəbdən də oğlanlar, qızlar, həvəskarlar və futzal liqalarındakı komandaların rəhbərləri ilə silsilə görüşlər keçirilir.

Azad Rəfi