Sahibsiz itlər yenə də dişlərinin gücünü sınayıb. Bu dəfə hadisə Oğuzun Padar kəndində, məktəbdə baş verib.Vəhşi itlər məktəblilərə hücum çəkiblər. Hadisə səhər saatlarında məktəbin həyətində baş verib. Yaxınlıqda olan müəllim və valideynlər uşaqlara kömək edib. Daha sonra məktəblilər xəstəxanaya çatdırılıb. Uşaqlara ilkin tibbi yardım göstərilib, vaksin vurulduqdan sonra evə buraxılıblar. Sakinlər bildirir ki, buna bənzər hadisə kənddə dəfələrlə baş verib. Bununla bağlı aidiyyatı qurumlara da məlumat verilib. 

Zülfiyyə Telmanqızı