Futbol üzrə Azərbaycan Premyer Liqasında 21-ci turun son oyun günündə 2 görüş baş tutub. Gəncədə çempionatın autsayderləri - "Kəpəz" və AZAL komandaları üz-üzə gəlib. Qarşılaşma 1:1 hesablı sülhlə nəticələnib. Fasiləyədək meydan sahibləri hesabı dəyişməyə müvəffəq olublar. 38-ci dəqiqədə küncdən cərimə meydançasına göndərilən topa başıyla zərbə endirən Şəhriyar Əliyev çərçivəni dəqiq nişan alıb. Hamı gəncəlilərin 1:0-lıq hesabı sonadək qoruyacağını düşünsə də, 90-cı dəqiqədə səhnəyə çıxan Vaqif Cavadov komandasına bir xal gətirən qol imza atıb.

Turun son oyununda Neftçi evdə Zirəni sınağa çəkib. Görüşdə 3 qol qeydə alınıb ki, onlarında da hamısı ikinci yarıda vurulub. İlk qol 60-cı dəqiqəyə təsadüf edib. Təyin olunan penaltini qola çevirən Daniel Seqoviya Neftçini irəli çıxarıb. İki dəqiqə sonra hesab bərabərləşib. Avtoqola imza atan Navalovski status-kvonu bərpa edib. Əzmkarlıq göstərən qonaqlar qələbə topunu da vura biliblər. 79-cu dəqiqədə Milan Duriçin qüvvətli zərbəsi qapıçı vaylo üçün əlçatmaz olub. Beləliklə yekund Zirə səfərdə Neftçini 2:1 hesabıyla məğlub edərək evə 3 xalla dönüb.

Azərbaycan Premyer Liqasında

21-ci tur

5 mart (bazar)

15:00.“Kəpəz” – AZAL - 1:1
Qol: Şəhriyar Əliyev, 38 (1:0), Vaqif Cavadov, 90 (1:1)
Hakimlər: Orxan Məmmədov, Mübariz Haşımov, Mehman Mahmudov, Elvin Əsgərov
Gəncə şəhər stadionu

18:00.“Neftçi” – “Zirə” - 1:2 
Qol: Daniel Seqovia, 60-pen. (1:0), Georgi Navalovski, 62-avtoqol (1:1), Milan Duriç, 79 (1:2) 
Hakimlər: Rəhim Həsənov, Nahid Əliyev, Cavanşir Yusifov, Əliyar Ağayev
8-ci kilometr qəsəbə stadionu

Turnir cədvəli

Bombardirlər:  Filip Ozobiç ("Qəbələ") - 11 qol, Baqali Dabo ("Qəbələ") - 7 qol, Rauf Əliyev ("İnter") - 7 qol  

Orxan Cəfərzadə