Gəncədə gənc rəssam Elşən Əliyevin fərdi rəsm sərgisi keçirilib. Gəncə şəhər Gənclər və İdman Baş İdarəsinin təşkilatçılığı ilə reallaşan sərgi Gənclər evinin qarşısında, açıq havada baş tutub. Sərgidə rəssamın 20-dən artıq əl işi nümayiş olunub. Təbiət, tarixi abidələr, film qəhrəmanları, tarixi şəxsiyyətlərin təsvir olunduğu rəsm nümunələri gənclərdə xüsusi maraq doğurub. Elşən Əliyev 5 yaşından rəsm çəkməyə başlayıb. Gənc rəssam müxtəlif janrlarda yaratdığı əl işləri ilə müxtəlif sərgilərdə təmsil olunub. Bu, rəssamın ikinci fərdi sərgisidir.

Mehman Abbaszadə