Naftalan Şəhər İcra Hakimiyyətinin təşkilatçılığı ilə şəhərin sanitar təmizlik səviyyəsinin daha da yüksəldilməsi məqsədilə təmizlik və abadlıqla bağlı geniş ümumşəhər iməciliyi keçirilib. Səhər saatlarından etibarən şəhərin kommunal təsərrüfat xidmətlərinin texnikası və işçi qüvvəsi tərəfindən əsas küçə və prospektlərin süpürülməsi, eləcə də xüsusi dezinfeksiyaedici məhlullarla yuyulması həyata keçirilib. Şəhər ərazisini əhatə edən iməcilikdə - işıq dirəkləri, parklarda, çoxmənzilli yaşayış binalarının həyətində oturacaqlar, uşaq oyun qurğuları, söhbətgahlar, hündürmərtəbəli binaların liftləri də dezinfeksiya edilib. Eyni zamanda, məişət tullantılarının atıldığı zibil konteynerlərinin də yuyulması təmin edilib. Bu cür tədbirlər mütəmadi olaraq davam etdirilir.

Vüsalə Cənnətova