2023-cü ilin aprel ayından ölkə ərazisində 284 qızılca hadisəsi qeydə alınıb. Təsdiq olunan hadisələrin yalnız 12%-i yaşlı insanlar arasında olub. Səhiyyə Nazirliyindən verilən məlumata görə, yoluxmanın əsas səbəbi kimi peyvəndlərdən yayınma halları göstərilir. Yaşa görə peyvəndlərdən kənar qalan uşaqların aktiv aşkarlanması və təcili vaksinasiyaya cəlb edilməsi işinə nəzarət artırılıb. Bununla yanaşı, epidemioloji vəziyyəti nəzərə alaraq, ölkə ərazisində orta və yaşlı əhalinin profilaktikası məqsədi ilə vaksinasiyası üçün peyvənd tətbiq olunacaq.