Kürdəmir rayonunun 1 nömrəli, Atakişili, Sor-Sor, Pirili, Ərəbqubalı, Şilyan və Qarasaqqal kənd tam orta məktəblərinin şagirdləri arasında “qızılca” xəstəliyi ilə bağlı yoluxma halı aşkarlanıb. Bu barədə Mərkəzi Aran Regional Təhsil İdarəsindən bildirilib. Kürdəmir rayon Mərkəzi Xəstəxanasının məlumatına əsasən, 9 nəfər şagird hazırda xəstəxanada stasionar şəraitdə müalicə alır. Digər yoluxan şagirdlərin isə ambulator müalicələri davam etdirilir və şagirdlərin vəziyyətinin stabil olduğu qiymətləndirilir.