Azərbaycan Prezidenti İlham Əliyev Qazaxıstan Prezidenti Kasım-Jomart Tokayev ilə görüşündə əməkdaşlığın bütün istiqamətləri üzrə maksimum səmərəli fəaliyyətin mövcud olduğunu deyib. "Biz yaxşı dostlar, qardaşlar, tərəfdaşlarıq. Ona görə də son illər ölkələrimizin hökumət üzvləri arasında, şirkətlər arasında rəsmi səfərlər çərçivəsində bizim aramızdakı təmasların dinamikası əyani şəkildə görünür" - deyə Azərbaycan Prezidenti bildirib. Qeyd olunub ki, Xəzər regionunda və daha geniş regionda bir çox sahələr üzrə səyləri birləşdirərək çox mühüm energetika və nəqliyyat layihələri həyata keçirilir. Ölkələrimizin iqtisadi inkişafı çərçivəsində yaxşı təməl qoyulub. Prezident İlham Əliyev Qazaxıstan Prezidenti Kasım-Jomart Tokayevi Azərbaycana dövlət səfərinə dəvət edib.