“Kəpəz” daha bir legioner futbolçu transfer edib. Gəncəlilər bu dəfə hücum xəttini gücləndiriblər. Ötən gün qapıçı İqor Rodrigeslə anlaşan bölgə təmsilçisi bu dəfə malili Adama Nianeni heyətə cəlb edib. 30 yaşlı forvard yeni komandası ilə mövsümün sonuna qədər müqavilə bağlayıb. Adama Niane son olaraq İranın “Nassaji” klubunda çıxış edib. O, daha əvvəl Fransa və Belçikada legioner həyatı yaşayıb. Futbolçu 2017-2019-cu illərdə Mali millisinin heyətində 7 matçda iştirak edib.

Fərid Mehdiyev