Gəncədə Prezident İlham Əliyevin 60 illik yubileyinə həsr olunan şahmat yarışı keçirilib. Həm oğlan, həm də qız iti zəka sahiblərinin iştirak etdiyi turnirdə müxtəlif yaş qruplarından olan uşaq və yeniyetmələr mükafatlar uğrunda mübarizə aparıb. İsveçrə sistemi ilə keçirilən və 3 qrup üzrə reallaşan yarışda 200-ə yaxın şahmatçı qalib olmaq üçün zehnini sınayıb. Sonda fəxri yerləri tutanlar diplomla təltif ediliblər.