Pakistan və Azərbaycan iki qardaş ölkə olaraq ikitərəfli əlaqələrini gücləndirir. İslam Respublikasının Quru Qoşunları komandanı ordu generalı Qamar Caved Bacvanı qəbul edən Prezident İlham Əliyev 44 günlük Vətən müharibəsində Pakistanın göstərdiyi dəstəyi yüksək qiymətləndirib, torpaqlarımızın işğalı səbəbindən Ermənistanı tanımayan az sayda ölkədən biri olduğunu vurğulayıb. Qeyd edib ki, Azərbaycan Kəşmir məsələsində hər zaman Pakistanı dəstəkləyir. Bu mövqe ədalət, beynəlxalq hüquq və qardaşlıq əlaqələrimizə əsaslanır.