Sərhədçilərin keçirdikləri tədbirlər nəticəsində 11 kiloqram 710 qram narkotik vasitə və psi­xotrop maddəyə oxşar maddələr qanunsuz dövriyyədən çıxarılıb. Füzuli rayonunun Arayatlı kəndi yaxınlığındakı sərhəd zasta­vası­nın xidməti sahəsində Füzuli rayon polis şöbəsinin əməkdaşları ilə birgə keçirilən əməliyyat-axtarış tədbirləri nəticəsində sərhədboyu ərazidə hərəkət edən “VAZ-2107” markalı avtomobilin sürücüsünün özünü şübhəli aparması diq­qəti cəlb edib. Şübhəli şəxs yolun kənarında gizlin yerdən bağlama götürərək hadisə yerin­dən uzaqlaşmağa cəhd edib. Sərhəd naryadının “dayan” əmrinə tabe olmayaraq əra­­­zi­dən qaçmağa çalışarkən saxlanılıb. Həmin şəxs öz hərəkətlərini mas­ka­lamaq məqsədilə hadisə yerinə öz ailə üzvləri ilə gəlib. Onun Qazax rayon sakini 39 yaşlı Məmmədov Xəy­yam Camal oğlu olduğu müəyyənləşdirilib. Əlindəki bağlamaya baxış zamanı ümumi çəkisi 9 kiloqram 160 qram narkotik vasitə və psixotrop maddəyə oxşar maddələr aşkarlanaraq götürülüb. **Bundan başqa, Xəzər dənizinin cənub istiqamətində sərhəd gözətçi gəmisi tərəfindən dəniz istiqamətləndirici nişanına bağla­nıl­mış 2 ədəd torbanın içərisində təxmini çəkisi 2 kiloqram 550 qram narkotik vasi­təyə oxşar maddələr aşkarlanıb. Hər iki fakt üzrə əməliyyat-istintaq tədbirləri davam etdirilir.