Daşkəsən rayon Polis Şöbəsinin əməkdaşları qanunsuz olaraq narkotik vasitə əldə edib saxlamaqda şübhəli bilinən, Quşçu kənd sakini, əvvəllər məhkum olunmuş Anar Orucovu saxlayaraq şöbəyə gətirib. Onun üzərinə baxış keçirilən zaman təmiz çəkisi 26.337 qram narkotik vasitə olan qurudulmuş marixuana aşkar edilərək götürülüb. Orucova məxsus fərdi yaşayış evinin həyətyanı sahəsindən 1 ədəd sellofan torbada təmiz çəkisi 1 kq 010 qr marixuana aşkar edilib. Davam etdirilən digər bir əməliyyat-axtarış tədbiri nəticəsində Quşçu kəndinin digər bir sakini Elçin Əmrahovdan da 20.540 qram narkotik vasitə aşkar edilərək götürülüb. Saxlanılan şəxslər maddi sübutlarla birlikdə istintaqa təhvil verilib, faktlarla bağlı araşdırmalar davam etdirilir.