Türkiyənin İzmir şəhərində zəlzələ zamanı ölənlərin sayı 110 nəfərə yüksəlib. Həlak olanlar artsa da, xəsarət sayı dəyişməz qalıb. Yeraltı təkanlar nəticəsində 1036 nəfər yaralanıb, onlardan 898-ü ilkin tibbi yardımdan sonra evə buraxılıb. 138 nəfərin müalicəsi xəstəxana şəraitində davam edir. Dağılan 4 binada hazırda müvafiq qurumlar tərəfindən axtarış-xilasetmə işləri aparılır.