Velosiped idmanı üzrə 23 yaşlılar və gənclərdən ibarət Azərbaycan yığması təlim-məşq toplanışına start verib. Millinin üzvləri Tovuzda hazırlıqlara başlayıblar.

Toplanışa hər iki yığma üzrə baş məşqçi Əbülfəz Məmmədov rəhbərlik edir. Komandanın heyəti 11 velosipedçidən ibarətdir. Heyətdə yer alanlardan biri xanım pedal ustasıdır. Tovuzda yerləşən milli bu rayonla yanaşı, Gədəbəy və Şəmkir rayonları ərazisində də məşq keçir.

Ötən illərə təsadüf edən həmin turnirlər yığma üzvlərinin də iştirakı ilə Gəncə, Şəmkir, Daşkəsən və Samuxda reallaşıb.

COVİD-19 pandemiyası ilə əlaqədar ölkəmizdə tətbiq edilən karantin rejiminin yumşaldılması çərçivəsində Operativ Qərargahın 10 avqust tarixindən etibarən açıq havada idman yarışlarının və oyunlarının keçirilməsinə icazə verməsi yığmamızın üzvlərinin Tovuza təlim-məşq toplanışına gəlməsinə şərait yaradıb.

Yığma komandanın Tovuz hazırlığı avqustun sonuna kimi davam edəcək.