Fövqəladə Hallar Nazirliyinin “112” qaynar telefon xəttinə Abşeron rayonunun Xırdalan şəhərində, Bakı-Sumqayıt avtomobil yolunun kənarında yanğın olması barədə məlumat daxil olub. Nazirliyin Dövlət Yanğından Mühafizə Xidmətinin yanğından mühafizə bölmələri yanğınsöndürmə işlərinə cəlb edilib. İlkin məlumata görə, hadisə təkər tullantıları yığılan geniş ərazidə baş verib. Görülən operativ tədbirlər nəticəsində alovun qarşısı alınıb.