Gəncəçayın Park Bulvar Kompleksindən keçən 1600 metrlik hissəsinin məcrasında təmizlik aksiyası keçirilib. Çayın məcrasından su axını ilə gələn tullantılar yığılıb. Bundan başqa çayın ətrafı da məişət tullantılarından və alaq otlarından təmizlənib. Aksiya çərçivəsində bulvardakı yaşıllıqlara qulluq edilib, suvarılıb. 1 hektardan artıq ərazisi olan "Gəncəçay" Park Bulvar Kompleksindəki 14 ədəd fəvvarə də təmizlənib.

Elmar Əzizov - "Gəncəçay" Park Bulvar Kompleksinin rəisi: Çayın özünün axarı ilə tullantılar gəlir və tərəfimizdən də Mənzil Komunal İstismar idarəsinin işçiləri tərəfindən də mütamadi olaraq iməcliklər keçirilir. Çayın ətrafı eləcədə içəri məcrası təmizlənilir. Bura 18 ədəd oturacaq əlavə olundu. Oturacaqların hamısı rəngləndikdən sonra parkın çatışmayan sahələrinə düzüldü. Parkın işıqlandırılması yenidən işıqlandırılacaqdı. Qalan digər işləri də diqqətimizdə saxlayırıq ki, bu gözəlliyi, yaşıllığı qoruyaq saxlayaq.

Nağı Musayev - aksiya iştirakçısı: Şəhərimizin, park bulvarın təmizliyi üçün iməclik edib, hər yeri təmizlədik. Çayın ərazisinidə də içinidə də təmizlik işləri görümüşük.