Personal kompüterlər üçün dünyanın tanınmış prosessorlarını istehsal edən Intel şirkəti yeni yüksək məhsuldarlı çiplərini təqdim edib. Kütləvi bazar üçün yeni 262 dollara Core i5-9600K, 374 dollara Core i7-9700K və 488 dollara Core i9-9900K prosessorları nəzərdə tutulub. Kiçiyinin 6 nüvəsi, ortancılın 8 nüvəsi olduğu halda hər ikisi də hyperthreading texnologiyasından məhrum olub. Bu texnologiya yalnız 8 nüvəli i9-da işləkdir. O, 3,6-dan 5 qeqaherzədək takt tezliyində işləyir. Hər üçünün termik dizayn gücü (TDP) 95 vattdır, satışa isə 19 oktyabrdan çıxacaq. Məhz Core i9-u video oyunlar üçün ən yaxşı prosessor adlandırırlar.