Paytaxtın Sabunçu rayonu Yeni Ramana qəsəbəsində dəhşətli cinayət törədilib. 85 yaşlı kişi qətlə yetirilib. Həmin qəsəbədə yaşayan 1933-cü il təvəllüdlü Əkrəm Tağızadə evində həmyerlisi Sakit Mirzəyev tərəfindən qətlə yetirilib. Polis əməkdaşlarının keçirdikləri təxirəsalınmaz əməliyyat-axtarış tədbirləri ilə cinayəti törətməkdə şübhəli bilinən şəxs "isti izlərlə" ələ keçirilib. Sakit Mirzəyev saxlanılaraq istintaqa təhvil verilib. Faktla bağlı Sabunçu rayon Prokurorluğunda cinayət işi açılıb, istintaq gedir.