Dövlət proqramına əsasən gələn ildən Gəncədə istismar müddətini başa vuran 62 lift yenisi ilə əvəz olunacaq. Sovet dönəmindən qalma və istifadəsi təhlükə yaradan köhnə liftlərin yerinə Türkiyə istehsalı olan qurğular quraşdırılacaq. Yenilənənlər əsasən şəhərin Yeni Gəncə və Abbas Səhhət yaşayış massivindəki binaların liftləridir. Bu il ərzində isə mövcud liftlərdən 89-u cari və əsaslı təmir olunaraq sakinlərin istifadəsinə verilib. Şəhər üzrə 194 lift istismardadır ki, bunlardan da 36-sı Belarus istehsalı, 70-i isə Türkiyə istehsalı olan liftlərdir. Liftdən istifadə isə hər mənzil üçün 2 manatdan hesablanır.

Bəybala Şamilov - Gəncə Şəhər MKTİB-nin şöbə müdiri: Liftlərin tez sıradan çıxmasının müəyyən səbəbləri var. 1-ci səbəb kimi bəzi liftlərin istismar müddətini başa vurmasıdır. Digər səbəb isə vətəndaşların liftlərə yersiz müdaxilələridir.Həmçinin qeyd etmək istəyirəm ki, liftlərdə lüzumsuz istifadə də onların tez sıradan çıxması ilə nəticələnir.