Göygöldə həyət evləri və yaşayış binalarının dam örtüyü yenilənir. Prezident İlham Əliyevin sərəncamı ilə ayrılan maliyyə vəsaiti hesabına görülən işlər rayonda alman izlərinin qorunması ilə yanaşı sakinlərin də problemlərinin həllinə yönəlib.

Zakir Muxtarov – sakin: Yağış təpəmizə yağırdı.  Gecə gündüz demirdi. Yağışın dərdindən qaçmaq istəyirdik. İndi çox şükürlər olsun ki hər şey əladır.

Göygöl rayonunun Aşıq Ələsgər küçəsində yaşayanlar sevinclidir.  Evlərinin dam örtüyü və giriş qapıları yenilənir, fasadı təmir olunur. Alman memarlığının nümunələri olan tikilələrin yeni görkəm alması onların ilkin variantına xələl gəlməmək şərtilə edilir.

Elçin Məmmədov – sakin: Yağış yağanda su damırdı. Çətinliklərimiz olurdu. Külək əsəndə dam örtüyü tərpənirdi. İndi çox gözəl çox razıyıq.

Proses əsasən almanlar tərəfindən salınan 6 küçə və çoxmərtəbəli yaşayış binalarını əhatə edir. Görülən tədbirlər rayon mərkəzində estetik gözəllik yaradır.   

Mirzə Məmmədov - Göygöl Şəhər icra nümayəndəsi: 800-ə yaxın fərdi yaşayış evinin dam örtüyü dəyişdirilib. İşlər yekunlaşmaq üzrədir. Bundan 5 çoxmərtəbli binanında dam örtükləri də yenilənib.

Göygöl şəhərinin su və kanalizasiya təchizatı ilə bağlı işlər tam yekunlaşdığından küçələrdə asfalt işləri də aparılır. Piyadaların təhlükəsiz hərəkəti üçün səkilər qurulub, yağış sularının axıdılması üçün arxlar tikilib.

Natiq Hüseyn