Samuxda da polis günü münasibətyilə baş tutan tədbir milli lider Heydər Əliyevin abidəsini ziyarətlə başlayıb.Ulu öndərin adını daşıyan mərkəzdə Heydər Əliyevin Azərbaycan polisinin formalaşmasında müstəsna rolunu xarakterizə edilən stanedlərlə tanışlıq maraqla qarşılanıb. Bayram tədbirində şərəfli və çətin yol keçən hüquq-mühafizə orqanlarının bu gün peşəkarlığının artırılması, maddi-texniki təminatının yaxşılaşdırılması, asayiş keşiyində mətin dayandıqları önə çəkilib. Samuxda da cinayətlərin sayının azaldığı, Rayon polis şöbəsi üçün yeni inzibati binanın inşası yüksək qiymətləndirilib. Peşə bayramı ilə əlaqədar veteran əməkdaşlardan və fəal polis işçilərindən bir qrupuna fəxri fərman və hədiyyələr təqdim olunub.

Natiq Hüseyn