Bakıda “Sea Breeze” istirahət mərkəzinin ərazisində yaradılan “LANDAU School” Təhsil Kompleksinin məktəbinin və “The Grand” apart hotelinin açılışı olub. Prezident İlham Əliyev, birinci xanım Mehriban Əliyeva və qızları Leyla Əliyeva tədbirdə iştirak ediblər. Dövlət başçısına görülən işlər, o cümlədən 231 şagird üçün nəzərdə tutulan “LANDAU School” Təhsil Kompleksinin “Sea Breeze”dəki məktəbi və 450 şagird üçün nəzərdə tutulan “SABAH.school” barədə məlumat verilib. Bildirilib ki, təlim Britaniya kurikulumuna uyğun olaraq ingilis dilində aparılır. Məktəb kompleksinin ərazisində orta ümumi təhsillə yanaşı, məktəbəqədər təhsil üçün ayrıca bina da var. Ümumilikdə, təhsil kompleksi 1100-dən çox şagird üçün nəzərdə tutulub. Ərazidəki ən böyük apart otel - “The Grand” da istifadəyə verilib.