Filmdə Azərbaycan jurnalistlərinin cəmiyyətimizin inkişafına mane olan mənfi hallara qarşı, mənəvi təmizlik, paklıq, prinsipiallıq uğrunda mübarizəsindən danışılır.

Kino əsərinin qəhrəmanı respublika qəzetinin əməkdaşı Teymurdur. O, haqq-ədalət naminə əlində hakimiyyət olan adamlara qarşı mübarizəyə atılır. Şantaj, hədə-qorxular, açıq-açığına pul təklif olunması-bütün bu vasitələr işə salınır. Lakin namuslu jurnalisti ələ almaq mümkün olmur...

Rejissor: Oqtay Mirqasımov

Rollarda: Fəxrəddin Manafov, Larisa Xələfova, Həsən Məmmədov, Rasim Balayev, Hamlet Xanızadə, Yaşar Nuri