Avropa çempionu olan gəncəli bodibildinqçi Rauf Əliyev doğma şəhərinə qayıdıb. Onu təbrik etmək üçün Heydər Əliyev Park-Kompleksinin girişindəki Zəfər tağına idman ictimaiyyətinin nümayəndələri, məşqçilər və yaxınları gəliblər. Qarşılanma mərasimində idmançının qazandığı uğur yüksək qiymətləndirilib. Rauf Əliyevin əldə etdiyi nailiyyətin Gəncə idmanı üçün ilk olduğu diqqətə çatdırılıb. Ona gələcək karyerasında uğurlar arzulanıb.

Qeyd edək ki, Nizami yurdunun yetirməsi İspaniyanın Santa Susanna şəhərində keçirilən yarışda Muskular Mens Fizik kateqoriyasında 1.79 sm boya qədər idmançılar arasında Avropa çempionu və bütün boylar üzrə yarışın mütləq qalibi olaraq 1 gündə 2 dəfə fəxri kürsünün ən yüksək pilləsinə qalxıb. 

Orxan Cəfərzadə