Gəncədə yunan-Roma güləşi üzrə yeniyetmələr arasında yarış keçirilib. "Təhsil" Respublika İdman Mərkəzinin birinciliyi mərkəzin müxtəlif bölgələrdə olan filiallarının 2007-2009 təvəllüdlü yetirmələri arasında təşkil edilib. Gəncə İdman Liseyində baş tutan mübarizələrdə 250-dən çox güləşçi qüvvəsini sınayıb. Yarış qarşıdan gələn Respublika əhəmiyyətli birinciliklərə, eləcə də beynəlxalq səviyyəli turnirlərə hazırlıq məqsədi daşıyıb. Sonda qalib idmançılar medal və diplomlarla mükafatlandırılıblar.