Gəndob-Yalama avtomobil yolunda, Xaçmaz rayonunun Mürşüdoba kəndi ərazisində ağır yol-nəqliyyat hadisəsi baş verib. TIR və “Mercedes” markalı yük avtomobillərinin toqquşması nəticəsində bir nəfər ölüb, iki nəfər xəsarət alıb. Qəza zamanı Üzeyir Novruzov aldığı xəsarətlərdən dünyasını dəyişib. Yaralı olan Cavid Qonaqbəyov və Balakişi Məmmədova Xaçmaz rayon Mərkəzi Xəstəxanasında yardım göstərilib. Onların vəziyyəti orta-ağır qiymətləndirilir. Hadisə yerinə hüquq-mühafizə orqanlarının və FHN-nin əməkdaşları cəlb olunub. Qəza nəticəsində qısa müddətdə Xaçmaz-Xudat yolu bağlanıb.