İşğaldan azad olunan ərazilərdə yanvar ayı ərzində 40 tank əleyhinə mina, 123 piyada əleyhinə mina, 203 partlamamış hərbi sursat aşkarlanıb və zərərsizləşdirilib. Bu barədə ANAMA-nın açıqlanan aylıq məlumatında qeyd edilib. Bildirilib ki, 734,7 hektar ərazi mina və partlamamış hərbi sursatlardan təmizlənib. Minatəmizləmə əməliyyatlarını ANAMA, Müdafiə Nazirliyi, Fövqəladə Hallar Nazirliyi və Dövlət Sərhəd Xidməti həyata keçirib.