"Son 20 ildə Azərbaycana səfər edən əcnəbilərin sayı 3 dəfədən çox artıb. Turizm və ictimai iaşə sahəsində də xeyli artım olub". Azərbaycan Turizm Agentlikləri Assosiasiyasının İdarə Heyətinin sədri Göydəniz Qəhrəmanov Turizm Sənayesi Subyektlərinin Forumunda belə deyib. O, eyni zamanda, mehmanxana və mehmanxana tipli müəssisələrdə gecələmə sayının 8 dəfəyə yaxın çoxaldığını bildirib.