Əvvəlki illərin məzunları üçün keçiriləcək imtahanların tarixi məlum olub. Bu barədə Dövlət İmtahan Mərkəzindən xəbər verilib. Gələn ilin aprelin 14-də I, II, III və IV qruplar üzrə qəbul imtahanının I mərhələsi, V ixtisas qrupu üzrə ali təhsil müəssisələrinə və 11 illik bazadan kolleclərə qəbul imtahanı keçiriləcək. Həmin tarixdə eyni zamanda fərqli dil və ya fərqli bölmə üzrə iştirak etmək istəyən XI sinif şagirdləri üçün əlavə imtahan, eləcə də eksternat qaydasında buraxılış imtahanı olacaq. Gələn il mayın 5-də isə əvvəlki illərin məzunları üçün 9 illik bazada kolleclərə qəbul imtahanı baş tutacaq.