Xankəndi stadionunda “Qarabağ” və MOİK komandaları arasında keçirilən oyunun fasiləsində  Prezident İlham Əliyev 2023-cü ilin idman yekunları ilə bağlı təşkil olunmuş mərasimdə idman ictimaiyyətinin təltif edilmiş nümayəndələri ilə görüşüb. Prezident bildirib ki, onları buraya dəvət etməklə öz münasibətini, hörmətini bildirmək istəyib. "Bu görüşün burada keçirilməsi və sizə bu yüksək mükafatların burada verilməsi tam ədalətli olacaq.", - deyə dövlət başçısı əlavə edib.