Erməni sakinlərin ərazilərimizi tərk etməsi Ermənistanın və onun tabeçiliyində olmuş qondarma rejimin üzərinə düşür. Bunu Ceyhun Bayramov ATƏT-in Baş katibi Helqa Şmid ilə görüşündə deyib.
Bildirilib ki, beynəlxalq təşkilatların nümayəndələrinin də təsdiqlədiyi kimi, bu prosesdə mülki şəxslərə qarşı heç bir zorakılıq faktının olmadığı vurğulanıb. Ərazi bütövlüyü və suverenliyin bərpası kimi beynəlxalq hüququn əsas prinsiplərinə münasibətdə ikili standartların, selektiv yanaşmanın tətbiqinin qəbuledilməzliyi qeyd olunub.