İkinci Qarabağ müharibəsinin şəhidi Rauf Əsgərovun təhsil aldığı 44 nömrəli məktəbdə adını daşıyan sinfin açılışı olub. Mərasimdə torpaqlarımızın azadlığı uğrunda canından keçən igidin ailəsi, məktəb müəllim-şagird kollektivi, qazilər, eləcə də şəhərin idarə və təşkilatlarının nümayəndələri iştirak ediblər. Çıxışlarda Rauf Əsgərovun məktəb illərindəki xatirələrindən danışılıb, hərb meydanında göstərdiyi şücaətindən bəhs edilib. Eyni zamanda tədbirdə məktəblilər vətənpərvərlik ruhunda şeirlər səsləndiriblər. Şəhidin adı verilən otaqda onun şəkillərindən və medallarından ibarət guşə yaradılıb, oturduğu partada adı əks olunub.

Orxan Cəfərzadə